శ్రీ యోగ వాసిష్ఠ సారము / YOGA-VASISHTA

🌹. శ్రీ యోగ వాసిష్ఠ సారము - 235 🌹 ✍️. రచన : సద్గురు పేర్నేటి గంగాధరరావు 📚. ప్రసాద్ భరద్వాజ 🌴 4.  నిర్వాణ ప్రకరణము (ఉత్తరార్థము) - 32 🌴 🌻. అహంకారము - 3 🌻 ఒకచోట భవిష్యత్‌ కాలరూపమునగు, ఒకచోట వర్తమాన కాలరూపమునగు, ఒకచోట భూతకాలరూపమునగు, ఒకచోట సృష్టి, ఒకచోట ప్రళయము ఇట్లు వివిధ కల్పనారూపములచే ఆత్మయగు బ్రహ్మమే నిశ్చలముగ స్థితిపొందుచున్నది. ఈ సమస్త జగత్‌ భ్రమలకు ఆత్మజ్ఞానము లేకపోవుటయే కారణమైనది. దృశ్యమునుండి మరలించి, ఆత్మవైపు దృష్టి నిలిపిన ఈ జగత్‌భ్రమ నశించిపోవుచున్నది. ఈ ప్రకారముగ వివేకదృష్టిచే నిశ్చయించి, అధికారియగు జీవుడు, అణిమాధ్యష్ట సిద్ధులను, ఈశ్వరత్వమును కూడ మాయామాత్రమని ఎఱిగి,యద్దానిని తృణమువలె జూచుచు నిరతిశయానంమయుడై, స్వాత్మయందే సుస్థిరుడైయుండును. చిదాకాశరూపుడగు వసిష్ఠుడు బ్రహ్మాండములన్నింటిని తన దేహమువలె గాంచుట, తమ స్వప్న సదృశ్యమైన ఆకాశరూపిణియగు స్త్రీతో సంభాషించుట. నేనెపుడైతే చిదాకాశరూపుడనైతినో,నేను గమనశీలుగనైయుండలేదు. నేనచట స్థితినొందియుండలేదు. నా ఆత్మయందే ఈ జగత్తుల గాంచితిని. నాకు చర్మనేత్రము లేకున్నను, చిద్రూపనేత్రముచే, నేనపుడు అనేక జగంబులను నాయందు చూచితిని. (ఆత్మ) ఆ ...

🌹. శ్రీ యోగ వాసిష్ఠ సారము - 234 / Yoga Vasishta - 234 🌹 ✍️. రచన : సద్గురు పేర్నేటి గంగాధరరావు 📚. ప్రసాద్ భరద్వాజ 🌴 4. నిర్వాణ ప్రకరణము (ఉత్తరార్థము) - 31 🌴 🌻. అహంకారము - 2 🌻 ఆ శబ్ధమొనర్చిన స్త్రీని వసిష్ఠుడు సమాధియందు దర్శించుట, ఆమెనుపేక్షించి అనేక విచిత్ర జగంబులను గాంచుట. ఓ రామా| అట్లా స్త్రీయొక్క శబ్ధకారణమునన్వేషించుచు నలుదశల వెదకుచు, చాలాకాలము వెదకి చివరకు ఆ శబ్ధము వీణానాదమువలె వింటిని. ఆ శబ్ధము కలుగు ప్రదేశమున నా యోగదృష్టి పడగనే, సువర్ణ ప్రకాశము వంటి కాంతిచే ప్రకాశించు ఒకస్త్రీని జూచితిని. ఆమె చంచలములైన వస్త్రములు, ఆభరణములు ధరించియున్నది. అందమైన కురులతో రెండవ లక్ష్మివలె, అతి రమణీయములైన సువర్ణమువలె, గౌరవర్ణముగల, అవయవలముతో, నవయౌవనముతో వనదేవతవలె పూర్ణచంద్రునివంటి ముఖముతో, ఆ విలాసవతి, మందహాసముతో నాసమీపమునకు మృదుమధుర స్వరంతో, ఆర్యశబ్ధముతో పలకరించెను. రాగద్వేష, కామ, క్రోధాది ద్వేషములు లేనట్టి సంసారమును చరించువారికి ఆలంబనమైన నోమునేంద్రా, మీకివే నానమస్కారములు, యని పల్కగా నేను ఆస్త్రీని గాంచి, ఈమెతో నాకేమి ప్రయోజనమని తలచి ఆమెను పేక్షించి అచటనుండి వెడలితిని. తదుపరి అనేక జగత్‌రూపముల...

░▒▓ శ్రీ యోగ వాసిష్ఠ సారము - 𝟐𝟑𝟑 / 𝐘𝐨𝐠𝐚 𝐕𝐚𝐬𝐢𝐬𝐡𝐭𝐚 - 𝟐𝟑𝟑 ▓▒░ ✍️. రచన : సద్గురు పేర్నేటి గంగాధరరావు 📚. ప్రసాద్ భరద్వాజ 🌴 4. నిర్వాణ ప్రకరణము (ఉత్తరార్థము) - 30 🌴 🌻. అహంకారము - 1 🌻 జ్ఞాని, అజ్ఞానులయొక్క అహంకారమును గూర్చి విశేషజ్ఞానమును, జ్ఞానముచే బోధితమగు దృశ్యమును వర్ణించుట జరిగినది. నిర్వాణ ముదయించిన జ్ఞానిని కూడ, అహంభావమెట్లు బాధించునని శ్రీరాముడడుగగా, వసిష్ఠుడిట్లు చెప్పెను. ఓ రామచంద్రా| ఈ విశేషమును వినుము. అందువలన చిత్తము విశ్రాంతినొంది అహంకారము శమించిపోవును. దీపముగల వానికి అంధకారము లేనట్లు, విచారించి చూచినచో అజ్ఞానము జ్ఞానికి లభించజాలదు. కాన వాస్తవముగ అది లేనిదే అగును. పంచేంద్రియములతో గూడిన ఈ జగత్తు, మనస్సు వలన నిరాకార బ్రహ్మమునెట్లు గాంచగలదు. ఎచట బీజము లేదో, అచట అంకురములేదు. కావున కారణములేక కార్యములేదు. సృష్ట్యాదియందే నిష్కంటకమగు బ్రహ్మాండముయొక్క అనుభూతి శూన్యమే అగును. చిదాకాశమే, చిదాకాశమున స్థితికల్గియుండ నిక సృష్టి ఎచట, అవిద్య ఎచట, అజ్ఞానమెచట. అంతయు శాంతమై,చిన్మయమైనట్టి బ్రహ్మమే అయివున్నది. ఇట్లు అహంభావమను పిచాచమును, నేనెపుడు పూర్ణముగ నెఱిగియుంటినో, అపుడది ...

🌹. శ్రీ యోగ వాసిష్ఠ సారము - 90  / Yoga Vasishta - 90 🌹 ✍️. రచన : సద్గురు పేర్నేటి గంగాధరరావు 📚.  ప్రసాద్ భరద్వాజ 🌴 2. స్థితి ప్రకరణము 🌴 🌻.  సృష్టి ఎలా యుత్పన్నమయినది  🌻 శ్రీరాముడు సత్యమైన పరబ్రహ్మము నుండి సృష్టి ఎలా వుత్పన్నమయినదో తెలుపు మనగా వసిష్టుడిట్లు చెప్పెను.  బ్రహ్మమే ఈ జగద్రూపమున, బ్రహ్మముననే యూహింపబడుచున్నది. బ్రహ్మమందే వివిధ కల్పనలు సంభవించును. కారణము అవి సర్వశక్తి వర్జితము. చిదాత్మ ప్రధమమున, చిత్త సహిత జీవరూపము చెందుచున్నది. చిత్తము చేతనే అది కర్మమయ, వాసనా మయ మనోమయ శక్తు లన్నింటిని సంచయ మొనర్చుచున్నది. పిదప అట్టి శక్తులను ఫలరూపమున దర్శింపజేయుచు, మరల తిరోభావముచే నశింపజేయుచున్నది. జీవు లందలి, వివిధ సృష్టులై, సమస్త పదార్ధముల యొక్క ఉత్పత్తి బ్రహ్మము నుండియె నిరంతరముగ గల్గుచున్నది. మరల అతని యందే లయమగుచున్నది.  అంతట శ్రీరాముడు, అగ్ని యందు, శీతలత్వము, జలమందు దహనశక్తియు, సంభవించిన విధమున, జడత్వమగు, అదృశ్యమగు బ్రహ్మము నుండి, యీ జగత్తు ఎట్లు ఉత్పన్నమగు చున్నది? బ్రహ్మము నుండి యుత్పత్తి అయిన, యీ బ్రహ్మము, బ్రహ్మము వలె గాక మనస్సు యింద్రియములుగా ఎట్...

🌹. శ్రీ యోగ వాసిష్ఠ సారము - 85  / YOGA-VASISHTA - 85 🌹 ✍️. రచన : సద్గురు పేర్నేటి గంగాధరరావు 📚.  ప్రసాద్ భరద్వాజ 🌴 2. స్థితి ప్రకరణము 🌴 🌻. దామవ్యాళ కటాదుల స్వప్న వృత్తాంతము  - 1 🌻 కాశ్రీర దేశమున, యొక తటాకములో, మత్స్య జన్మ నెత్తిన పిదప, గ్రీష్మ ఋతువు నందు, మహిషములు ఆ తటాకమును త్రోక్కివేయుటచే, ద్వంసమైన చెరువు నందు వారు మువ్వురును నశించి మరల సార పక్షులుగా జన్మింతురు. ఆసార పక్షులు, స్వేతకమలము లందు, ఉత్తమ లతలందు, తరంగ సమూహము లందును, ఉత్తమ భోగముల ననుభవిరచి, చిరకాలము, విహరించిన పిదప శుద్దత్వము నొందిరి.  వివేక దృష్టిచే విచారించి, సత్వ రజస్తమో గుణములు భిన్నములు కాగా, వివేకబుద్ధి జనించి, ముక్తి కొరకై వారు మువ్వురు, వేరగుదురు. తదుపరి వారు అనుష్టానమను నగరమున, ప్రద్యుమ్న శిఖర మందు గల గృహము లన్నింటిలో శ్రేష్టమగు ఒక గృహమందు గల గోడపై, రాతి యందొక గూడు వుండును. ఆ గూటి యందు వ్యాళుడను దానవుడు చటకపక్షి (పిచ్చుక) రూపమున వుండును.  ఆ నగర మందు, శ్రీ యశస్కరదేవుడను రాజు కలడు. రాజ గృహమున నున్న పెద్ద స్ధంభము యొక్క వెనుక భాగమున గల రంధ్రము నందు, ధాముడను పేరు గల, దైత్యుడు, అ...

🌹. శ్రీ యోగ వాసిష్ఠ సారము - 84 / YOGA-VASISHTA - 84 🌹 ✍️. రచన : సద్గురు పేర్నేటి గంగాధరరావు 📚.  ప్రసాద్ భరద్వాజ 🌴 2. స్థితి ప్రకరణము 🌴 🌻. రామ, వ్యాళకట న్యాయము భీమభాస దృడ స్థితి - 2 🌻 అంతట దేవతలు మరల ధైర్యము తెచ్చుకొని, శంబరుని వధించు యుపాయము అడుగుటకు, బ్రహ్మ వద్ద కరిగిలి. వారు బ్రహ్మకు సురాసురుల యుద్ధమును వర్ణించి చెప్పెరి. అపుడు బ్రహ్మ యోజించి, నూరువేల సంవత్సరముల తరువాత,శంబరుడు; విష్ణు దేవునిచే హతుడగును. అంత వరకు మీరు, కపట యుద్ధ మొనర్చుచు తప్పుకొని పారిపోవుడు. అపుడు వారు అహంకార బద్ధులగుదురు. ఇపుడు వారు వాసనా రహితులగుటచే, వారిని జయించుట కష్టము. ఆశాపాశము లందు వాసనాబద్ధులు అయిన వారు యుద్ధమున తప్పక నశింతురు.  ఈ దేహేంద్రియములు నేను ఈ పుత్రధనాదులునావి, అను అహంభావులు, సమస్త ఆపదల పాలగుదురు. సర్వజ్ఞుడగు ఆత్మను, దేహాదులుగ భావించువాడు, జనన మరణ రూపమగు దీనత్వమును పొందును.  ఈ లోక మందు, ఆత్మ కంటె అన్యముగ మరొకటి లేదు. అను బుద్ధి కల్గి విశ్వసించుటయె, నిజమైన జీవితము. దామవ్యాళ కటాదులు, దేహ భావము పొందు నంతవరకు వేచియుండుడు. తృష్ణ వలన సమస్త విపత్తులు సంభవించును. ధీరుడైనను క...

🌹. శ్రీ యోగ వాసిష్ఠ సారము - 83 / YOGA-VASISHTA - 83 🌹 ✍️. రచన : సద్గురు పేర్నేటి గంగాధరరావు 📚.  ప్రసాద్ భరద్వాజ 🌴 2. స్థితి ప్రకరణము 🌴 🌻. చిత్త జయము - 2 🌻 తృష్ణయను బాణములతో కూడిన యింద్రియములను శత్రువులను, జయించుట మిక్కిలి దుర్లభము. ఈ ఇంద్రియములు మొదట తన దేహమునే నాశనము చేయును. మాంసమును కోరు గ్రద్ధలు, దేహమను తన గూటిలో ప్రవేశించి, విజృంభించును. వివేకముతో వాటిని వశపర్చుకున్న, శాంతిని పొందును. వివేకముతో విషయములను శత్రువులను జయించిన, ఇంద్రియములను జయింపబడినపుడు, అజ్ఞానమను పిచాచములు విజృభించుచునే యుండును. ఈ మనస్సే జన్మ వృక్షములను ఛేదించునది. ఇదే సాధన చతుష్టయ సంపత్తి మొదలు, తత్వ సాక్షాత్కారము వరకు గల కర్మలను, చేయించుచుండును.  అట్టి ఈ మనస్సును వివేకముతో, శుద్ధమొనర్చిన, మోక్షసిద్ధికి తోడ్పడును. ఉత్తమ వివేకము నాశ్రయించి, బుద్దిచే సత్యము నవలోకించి, యింద్రియములను శత్రువులను జయించి, సంసార సాగరమును దాటవేయుము. ఈ మిధ్యాభూతమగు దేహము నేనను మిధ్యాభావమును త్యజించి, సత్యమైన ఆత్మతత్వమును ఆశ్రయించి, అమనస్సుడవై, భోజనాది వ్యాపారముల నొనర్చిన, నీవు బంధము లందు దగుల్కొనక ముక్తుడవగుదువు....

🌹. శ్రీ యోగ వాసిష్ఠ సారము - 82 / YOGA-VASISHTA - 82 🌹 ✍️. రచన : సద్గురు పేర్నేటి గంగాధరరావు 📚.  ప్రసాద్ భరద్వాజ 🌴 2. స్థితి ప్రకరణము 🌴 🌻. చిత్త జయము  🌻   ఓ రామా! సమాధి నభ్యసించుటచే బాహ్యభ్యంతర జగత్తుల గూర్చిన మననము మిధ్యయనియెఱుంగుము. కేవలమునే గాంచుటచే, స్వభావము నిర్మలమగును. కేవలము సాక్షిభూతుడుగ నుండుట చేతనే జీవుని ఆత్మ నిర్మలమగును. భోగములందు రమణీయముగ దోచుచు, రసహీనమగు భోగములందును, యిచ్చ లేకుండ వాని ఆత్మ నిర్మలమగును. చిల్లగింజచే జలము, నిర్మలమగునట్లు జ్ఞానము చేత మనస్సు నిర్మలమగును. ప్రాత:కాలమున సూర్యోదయముచే, ఆకాశము ప్రకాశించునట్లు; గురుసేవ, శ్రవణ, వానన, నిధి, ధ్యాసలచే, సమాధులచే, హృదయ సరోవరము వికసించును.  ఆత్మ సాక్షాత్కారము పొందిన వాని ద్రృష్టిలో, బ్రహ్మ విష్ణు హరాదులు, అధికారాదులందు క్షేశమును పొందగలరు. జనన మరణములు, అజ్ఞానినే వశపర్చుకొనునుగాని, జ్ఞానిని కాదు. పరమాత్మ సర్వవ్యాపకుడైనను తాను, రోమము యొక్క అగ్రభాగమందలి, కోటి భాగము యొక్క లక్షవభాగము కంటె, ఇంకను సూక్షమైనవాడని తెలిసిన వాడే సత్యమును జూచినవాడగును. జీవాత్మ, తద్భిన్నమగు, ఈ జగత్తంతయు చైతన్య జ్యొతి మ...

🌹. శ్రీ యోగ వాసిష్ఠ సారము - 81 / YOGA-VASISHTA - 81 🌹 🌹. శ్రీ యోగ వాసిష్ఠ సారము - 81 🌹 ✍️. రచన : సద్గురు పేర్నేటి గంగాధరరావు 📚.  ప్రసాద్ భరద్వాజ 🌴 2. స్థితి ప్రకరణము 🌴 🌻. జాగ్రత్‌, స్వప్న, సుషుప్తావస్థలు  🌻 అంతట శ్రీరాముడు, జాగ్రత్‌, స్వప్న, సుషుప్తావస్ధల భేదములను తెల్పుమని వసిష్టుని కోరెను.  స్ధిర ప్రత్యయము కల్గివున్నది. జాగ్రత్‌ వ్యవస్త అని, అస్ధిర ప్రత్యయ యుక్తమైనది, స్వప్పమనియు చెప్పబడినది. స్వప్నమున జాగ్రత్‌ లక్షణమున్న, అదియు జాగ్రత్తే యగును. జాగ్రత్‌ స్ధిరముగానిచో, స్వప్నము అని చెప్పబడును. స్ధిర అస్ధిరములే రెంటికి ముఖ్యభేదము. రెడింటి అనుభవము సర్వత్ర సమమైనదే. స్వప్పమును స్వప్నకాలమున స్ధిరత్వముచే జాగ్రత్‌ అగును. అలానే జాగ్రత్‌ అస్ధిరము అయిన అది స్వప్నమే అగును.  హరిచంద్రునకు ఒక రాత్రి ద్వాదశ సంవత్సర కాలముగ తోచినది. శరీర మెపుడు మనోవాక్కర్మలచే, వ్యవహారము సల్పునో, అపుడు, ప్రాణవాయువు ప్రేరిత మగు జీవ చైతన్యము, తేజము, వీర్యము, జీవము మొదలైన నామములచే, ప్రసిద్ది కెక్కినది. నేత్రాదుల ద్వారా, బాహ్య ప్రదేశమున, వ్యాప్తమగు జీవ చైతన్యము, పలువిధ వికారములచే తన...

🌹. శ్రీ యోగ వాసిష్ఠ సారము - 79 / YOGA-VASISHTA - 79 🌹 ✍️. రచన : సద్గురు పేర్నేటి గంగాధరరావు 📚.  ప్రసాద్ భరద్వాజ 🌴 2. స్థితి ప్రకరణము 🌴 🌻. శుక్రాచార్యుడు: భృగు, యముల వృత్తాంతము - 6 🌻 *ఒక్కొక్కసృష్టి యందు, విభిన్న రూపమున అనేక సృష్టులు గలవు. ఈ వివిధ సృష్టులందు బ్రహ్మత్వమున భేదము లేదు. బీజము, జలసంబంధముచే వృక్షమై మరల బీజముల నుత్పన్నము చేయునట్లు బ్రహ్మమున కామకర్మాదులను జలము యొక్క సంబంధము చేత, మనోరూపమొంది, జనన మరణాదుల కల్పన మొనర్చుచు, అధికారి దేహము లభింప, శ్రవణ, మననాదులచే, జ్ఞానప్రాప్తి నొంది, తద్వారా, పూర్వ శుద్ధమగు, తన బ్రహ్మస్వభావమును, మరల పొందును. అట్లు బ్రహ్మకారంబున, జీవుడే, జగద్రూపమున విజృంభించు చున్నారు.  మూలమునకు కారణమేమన, నయ్యది చెప్ప శక్యము కాదు. ఏలన, మూలమునకు మూలమే లేనందున, ఆ భావన వర్జిత మైనది. నిర్వకారము, అద్వితీయము, అసంగమమగుటచే, యదార్ధముగ బ్రహ్మ మకారణమైనది. ప్రపంచ మంతము వ్యాపించుట చేత బ్రహ్మమునకు కారణము నిమిత్తాదులు సంభవింపనేరవు. అందువలన సార భూతమగు బ్రహ్మమును గూర్చియె విచారింప దగియున్నది. బీజము ఆకారవంతము గాని, బ్రహ్మము ఆకార రహితము. అందువలన బ్రహ్మముతో ప...

🌹. శ్రీ యోగ వాసిష్ఠ సారము - 78 / YOGA-VASISHTA - 78 🌹 ✍️. రచన : సద్గురు పేర్నేటి గంగాధరరావు 📚.  ప్రసాద్ భరద్వాజ 🌴 2. స్థితి ప్రకరణము  🌴 🌻. శుక్రాచార్యుడు: భృగు, యముల వృత్తాంతము - 5 🌻 అందువలన, బాహ్యలోకోచిత వ్యవహరములు నడుపుచూ, అంతరంగమున, వ్యవహార రహితుడై ఆత్మ యందు, ధృడభావము కల్గి వైషమ్యము లేక కోర్కెలన్నింటిని త్యజించి యుండును. శారీరక, మానసిక దు:ఖములు జనన, మరణ రూపమగు, సంసార మార్గమున, మమత్వమను భయంకర యంధకూపమున నీవు పడకుమా అని వసిష్టుడు శ్రీరామునకు తెల్పెను. మరియు సమస్త కోర్కెలు విడనాడి ఆత్మలచే, ఆత్మ యందు, స్ధితి కల్గి యుండి, కర్తవ్య మగు కర్మలు, ఫలాసక్తి లేకయె యొనర్చుము. ఏలయనగా కర్తవ్య కర్మలననురించుట నిశ్చయముగ దేహ స్వభావమై యున్నది. ఓరామా, నీవు నిర్మలము శుద్దము, సర్వాత్మయు, సంకర్తయగు బ్రమ్మమే. అదే భావముతో నుండుము. తదుపరి కాలుడు, శుక్రాచార్యుని తన తాప శరీరము త్యజించి, యాభృగూత్పన్న తనువు నందు ప్రవేశింపుమని కోరెను. అనంతరము, తపమొనర్చి, పిమ్మట దైత్యుల గురుత్వము, నీచె యొనర్పదగి యున్నది అని చెప్పెను. శుక్రాచార్యులు తన పూర్వశరీరమున ప్రవేశించగా, భృగువు అ శరీరముపై తన కమండలముల...